რა გავლენას ახდენს პირის ღრუს ჯანმრთელობაზე თამბაქოს მოხმარება? - Smile confidently

April 17, 20220

თამბაქო მცენარეა, რომლის ფოთლებისგანაც მზადდება თამბაქოს პროდუქტები. თამბაქოს მოსაწევი ნაწარმია: სიგარეტი, სიგარა. თამბაქოს ნაწარმს მიეკუთვნება ელექტრონული სიგარეტი.

რა როლი ეკუთვნის თამბაქოს მოხმარებას პაროდონტის ანთებითი დაავადების განვითარებაში?

პაროდონტის დაავადების განვითარება  ერთ-ერთი სერიოზული რისკ-ფაქტორია, მწეველებში, არამწეველებთან შედარებით აღინიშნება კბილისა და ღრძილის კლინიკური მიმაგრების დარღვევა, პაროდონტული ჯიბეები, ალვეოლური ძვლის კბილბუდის რეზორბცია, მწეველები დიდი რაოდენობით კარგავენ კბილებს.

თამბაქოო ნიკოტინის გარდა, უამრავ კარცეროგენულ და ტოქსიურ ნივთიერებებს შეიცავს, რომლებიც უშაუალოდ ახდენენ გავლენას პირის ღრუზე, ცვლიან მიკროფლორას, დიდი რაოდენობით ჩნდება პაროდონტოპათოგენები, ანუ ის მიკროორგანიზმები, რომლებიც უწყობენ ხელს პაროდონტის დაავადების განვითარებას.

მაშინ, როდესაც ადამიანი თავს ანებებს სიგარეტის მოწევას, სხვადასხვა სიმპტომები იჩენს თავს, პაციენტების უმრავლესობა აღნიშნავს, რომ მათ მოიშორეს მავნე ჩვევა, მაგრამ აქვთ ღრძილებიდან სისხლდენა,სიწითლე.

კლინიკურად მწეველებში ნაკლებად არის გამოვლენილი ანთების ნიშნები, ამის მიზეზი კი არის ის,  რომ ნიკოტინი და სხვადასხვა მავნე ნივთიერებები გავლენას ახდენს მიკროცირკულაციაზე, ანუ სისხლძარღვების შევიწროვებაზე მოქმედებენ, ამიტომაც ანთების ნიშნები ნაკლებად არის გამოხატული, ხოლო მაშინ, როდესაც პაციენტი სიგარეტის მოწევას თავს ანებებს, სისხლის მიმოქცევა აღდგება, 4-6 კვირაში ზონდირებითაც აღინიშნება სისხლდენა, ეს ნიშნავს რომ აღდგა მიკროცირკულაცია და ის ნიშნები რომელიც იყო დაბლოკილი, მოწევის დანებების შემდგომ ახდენს გამოვლენას.

ზოგადად, მწეველ ადამიანებში შეხორცების ეტაპი უფრო ნელა მიმდინარეობას ვიდრე არამწეველ ადამიანებში

სიგარეტის კვამლი წვავს პირის ღრუს ლოწოვანს, აზიანებს სანეწყვე სადინარებს, რაც ნერწყვის გამოყოფის შემცირებას და პირის ღრუს სიმშრალეს იწვევს. ლორწოვანის სიმშრალე კი მის დაცვით ფუნქციას აქვეითებს, შესაბამისად  ღრძილის შეხორცებასაც აფერხებს.

ნიკოტინი, იქნება ეს სიგარეტში შემავალი თუ ნიკოტინის პლასტირიდან გამოყოფილი, ხელს უშლის სისხლის მიმოქცევას. შესაბამისად მცირდება ქსოვილების, ძვლისა და ღრძილის ჟანგბადით მომარაგება და კვება, რაც ბუნებრივია აისახება შეხორცებაზე.

კბილების სიჯანსაღე, ორგანიზმის საერთო მდგომარეობაზეა დიდწილად დამოკიდებული,ხოლო მავნე ჩევევის გამო, მათ დიდ ზიანს ვაყენებთ

თამბაქოს მოწევა შეუქცევად პროცესებს იწვევს როგორც კბილებში, ასევე ღრძილებზე.

 

Leave a Reply

Your email address will not be published. Required fields are marked *

Social Networks

Dental House ©All rights reserved.
Developed by Brandify.ge

Dental House ©All rights reserved.
Developed by Brandify.ge